Чортаў Калодзеж

Гэта беларускае народнае паданне, у цэнтры якога стаіць драматычны лёс маладой дзяўчыны. Паводле сюжэту, галоўная гераіня накіроўваецца на балотнае ўрочышча, дзе, паводле павер’яў, жывуць чэрці. Там яна сустракаецца з нячыстай сілай, але гэтая сустрэча сканчаецца трагічна — дзяўчына тоне ў балоце. Пасля яе гібелі на тым месцы з’яўляецца крыніца, вада ў якой нібыта захоўвае яе плач. Менавіта таму гэта месца пачынаюць называць «Чортавым калодзежам» — вадзяным люстэркам, якое ўзнікла са слёз і пакут няшчаснай душы.